கேள்வி கேட்டா பல பேருக்கு பிடிக்காது. சரி நான் நேரடியா விஷயத்துக்கு வர்றேன். மஞ்சணத்தியோட இன்னொரு பெயர் நுணா. கிராமப்புறங்கள்ல வாழுற மக்களுக்கு இது தெரிஞ்சிருக்கலாம். நான் சின்ன வயசுல இந்த மஞ்சணத்தி மரத்துல ஏறி விளையாடுவோம்.
அதுல விளையுற காயை பறிச்சி ஒருத்தர் மேல ஒருத்தர் எறிஞ்சி விளையாடுவோம். அது பழமாயிட்டா கருப்பு நிறத்துல இருக்கும். நிறம் மட்டுமில்ல அதில இருந்து ஒருவித நாற்றம் வரும். எங்க ஊர்ல அதை கோழிப்பீ பழம்னு சொல்வோம்.
கோழியோட கழிவு மாதிரி இருக்கும், நாற்றமும்கூட அப்பிடித்தான் இருக்கும். அப்பிடி இருந்தாக்கூட நாங்க அதை சாப்பிடுவோம். கொஞ்சம்
புளிப்பு, கொஞ்சம் இனிப்பு சுவை இருக்கும். ஆனா இப்போ யார் அதை சீண்டுறாங்க, மரமே இல்லைங்கிறபோது காயா? பழமா? நுணாக்காயை ஊறுகாய் செஞ்சி சாப்பிட்டா பொதுவா எல்லா நோயும் நீங்கி உடம்பு பலம் பெறும்.
நுணா இலைச்சாறு ஒரு பங்கு, உத்தாமணினு சொல்ற வேலிப்பருத்தி, நொச்சி, பொடுதலை இதுகளோட சாறு ஒரு பங்கு சேர்த்து 3, 4 வேளை கொடுத்துட்டு வந்தா எல்லாவிதமான மாந்தமும் ஓடிப்போயிரும்.
நுணாக்காய் & உப்பு சம அளவு எடுத்து அரைச்சி அடை மாதிரி தட்டி காய வச்சி அரைச்சு வச்சிக்கோங்க. இதை வச்சி பல் விளக்கிட்டு வந்தா பல்
பளிச்சினு இருக்கும்.
கூடவே பல்வலி, பல் அரணை வீக்கம், ரத்தக்கசிவு எல்லாம் ஓடிப்போயிரும். இதைவிட வேற பல்பொடி, பேஸ்ட் வேணுமா?
